Сату бойынша тренинг: екі күндік тәжірибе, жаңа дағдылар мен өсу
«ҚДСЖМ» Қазақстандық медицина университетінде «Біліктілікті арттыру қызметтерін тиімді сату» тақырыбындағы екі күндік тренинг сәтті аяқталды.
Екі күн бойы қатысушылар теориялық біліммен ғана шектелмей, сату дағдыларын тәжірибе жүзінде жетілдірді:
- тиімді телефон арқылы келіссөз жүргізу;
- клиенттің қажеттілігін анықтау;
- қарсылықтармен жұмыс істеу;
- мәмілені сәтті аяқтау тәсілдері;
- төлемнен кейін клиентпен тиімді өзара іс-қимыл жасау;
- практикалық кейстер мен рөлдік ойындар.
Тренинг барысында заманауи сатудың басты қағидатына ерекше назар аударылды: қызметті сату емес, клиенттің мәселесін шешуге көмектесу маңызды.
Оқу қорытындысы бойынша барлық қатысушылар практикалық тапсырмаларды сәтті орындап, бағдарламаны меңгергенін растайтын сертификаттарға ие болды.
Барлық қатысушыларға белсенділігі, қызығушылығы және кәсіби дамуға деген ұмтылысы үшін алғысымызды білдіреміз! Алған білімдеріңіз клиенттермен тиімді қарым-қатынас орнатуға, қызмет көрсету сапасын арттыруға және алға қойған мақсаттарыңызға сенімді түрде жетуге септігін тигізсін!
