2026 жылы 06 мамырда «ҚДСЖМ» Қазақстандық медицина университетінде «Денсаулық сақтау менеджменті» сертификаттау курсы тыңдаушыларының жобалық жұмыстарын қорғауы өтті.
Бағдарлама денсаулық сақтау саласындағы басқару қызметі бойынша кәсіби білімді тереңдетуге, сондай-ақ медициналық ұйымдардың қызметін талдау, жоспарлау және ұйымдастыру бағытындағы практикалық дағдыларды дамытуға бағытталған.
Жобаларды қорғаудың тәжірибелік бөлімі ерекше қызығушылық тудырды. Тыңдаушылар өздерінің кәсіби қызметінде кездесетін нақты кейстер мен өзекті мәселелерді ұсынды: кадрлық мәселелер, ұйымдастырушылық қиындықтар, бөлімшелер арасындағы өзара іс-қимыл, медициналық көмектің сапасын арттыру және басқару тиімділігі мәселелері.
Курс барысында алған білімдерінің арқасында тыңдаушылар қолданыстағы мәселелерді талдап, оларды шешудің тәжірибелік жолдарын ұсына алды.
Тыңдаушыларды жобаларын сәтті қорғауымен құттықтаймыз және алдағы кәсіби қызметтеріне табыс тілейміз!
