PhD, Исенова Балдай Калимуллиновна, Қазақстандық медицина университеті «ҚДСЖМ» Жоғары қоғамдық денсаулық сақтау мектебінің «Мейіргер ісі» кафедрасының меңгерушісі, Qazsaq Media Group ұйымдастырған «Жасанды интеллект және киберқауіпсіздік» білім беру бағдарламасы аясындағы «Үздік педагог – 2026» халықаралық ғылыми-практикалық байқауына қатысты.
Байқау жұмысы аясында Балдай Калимуллиновна жоғары кәсіби құзыреттілігін, заманауи білім беру технологияларын және инновациялық педагогикалық тәсілдерді меңгергенін, сондай-ақ әдістемелік материалдарды әзірлеу және ұсыну дағдыларын көрсетті.
Халықаралық байқауға қатысу ҚМУ «ҚДСЖМ» оқытушыларының үздіксіз кәсіби дамуға, заманауи цифрлық технологияларды білім беру үдерісіне енгізуге және білім сапасын жетілдіруге деген ұмтылысын көрсетеді.
Балдай Калимуллиновнаны құттықтаймыз және алдағы кәсіби қызметіне табыс, жаңа жетістіктер, тың ғылыми идеялар мен маңызды білім беру жобаларын сәтті жүзеге асыруды тілейміз!
