Біздің серіктесіміз — «Астана» оқу-клиникалық орталығы — Қазақстан медицина университеті «Қоғамдық денсаулық жоғары мектебі»-мен бірлесіп, медицина және қауіпсіздік саласында мамандарды даярлау мен біліктілікті арттыру бойынша бірлескен бағдарламаларды жүзеге асырып келеді.
2016 жылдан бастап «Астана» оқу-клиникалық орталығы ұлттық әуе компаниясы «Air Astana»-ның бортсеріктерін және жерүсті қызметкерлерін халықаралық стандарттарға сай шұғыл медициналық көмек көрсету бойынша табысты оқытып келеді.
Жыл сайын орталықтың мамандары авиация саласының жүздеген қызметкерлерін төтенше жағдайларда әрекет ету дағдыларына үйретеді.
Көпжылдық серіктестік пен жоғары дайындық деңгейінің арқасында «Air Astana» және «Fly Arystan» әуе компанияларының бортсеріктері мен қызметкерлері алған білімдерін ұшулар кезінде тиімді қолданып, бірнеше рет жолаушылардың өмірін сақтап қалды.
2025 жылы «Астана» оқу-клиникалық орталығы «Қауіпсіздікті қамтамасыз етудегі үздік серіктес» атағымен марапатталды. Бұл — еңбек қауіпсіздігі, техника қауіпсіздігі және медициналық оқыту саласындағы «Air Astana» компаниясымен жемісті ынтымақтастықтың айғағы.
Біз ұшулар қауіпсіздігін арттыруға және шұғыл медициналық көмектің сапасын жақсартуға өз үлесімізді қосып отырғанымызды мақтан тұтамыз.
Орталық ұйымдастырған оқу нәтижесінде «Air Astana» мен «Fly Arystan» компанияларының әрбір бортсерігі мен жерүсті қызметкері білікті әрі уақытылы көмек көрсете алады — ең қымбат құндылық, адам өмірін сақтау үшін.
