Педиатрия – балалар жасындағы анатомо-физиологиялық ерекшеліктерді, ағзаның өсу және даму заңдылықтарын, сондай-ақ жаңа туған кезеңнен бастап жыныстық жетілу аяқталғанға дейінгі балалардың ауруларын алдын алу, диагностикалау, емдеу және оңалту әдістерін зерттейтін клиникалық пән.
Неонатология – жаңа туған нәрестелердің, әсіресе мерзімінен бұрын туған немесе әртүрлі патологиялары бар балалардың денсаулығы мен емін зерттейтін медицинаның бір саласы. Неонатологияның негізгі міндеті – нәрестелердің өмірінің алғашқы күндері мен айларында уақтылы диагностика жүргізу, қарқынды терапия және қалыпты дамуына жағдай жасау.
Кафедра тарихы: 2024 жылы Қазақстандық Медициналық Университет «ҚДСЖМ»-да «Неонатология курсымен педиатрия» кафедрасы ресми түрде ашылып, балалар денсаулығы саласындағы мамандарды даярлау мен медициналық білімді дамытуда маңызды қадам болды.
Кафедра мақсаты: Жаңа туған нәрестелер мен балалардың ауруларын диагностикалау, емдеу, оңалту және алдын алу бойынша өзекті білімдері мен тәжірибелік дағдылары бар мамандарды даярлау. Неонатология мен педиатрия саласында инновациялық технологияларды қолдану. Ғылыми қызметті дамыту және халықаралық ғылыми-тәжірибелік конференцияларға қатысу. ҚДСЖМ-дағы «Неонатология курсымен педиатрия» кафедрасы балалар денсаулығын дамытуға және осы салада жоғары білікті мамандар даярлауға елеулі үлес қосуды мақсат етеді.
Міндеттері:
1. Неонатология және педиатрия саласында қазіргі заманғы білімдері мен тәжірибелік дағдылары бар жоғары білікті мамандарды даярлау.
2. Жаңа туған нәрестелер мен балалардың ауруларын диагностикалаудың, емдеудің және алдын алудың жаңа әдістерін әзірлеу үшін іргелі және қолданбалы зерттеулер жүргізу.
3. Студенттер мен резиденттердің тәжірибелік оқуын қамтамасыз ету үшін бейінді бөлімшелер базасында клиникалық жағдай жасау.
4. Халықаралық талаптарға сәйкес оқу-әдістемелік құралдар, клиникалық хаттамалар мен стандарттар әзірлеу.
5. Шетелдік медициналық мекемелер және ғылыми орталықтармен ынтымақтастық орнату және дамыту.
6. Балалар денсаулығын жақсартуға бағытталған ағартушылық және профилактикалық бағдарламаларға қатысу.
Негізгі қызметі:
Кафедраның білім беру қызметі: «Неонатология курсымен педиатрия» кафедрасында 1 және 2 курс неонатолог-резиденттері, сондай-ақ «Балалар аурулары» пәні бойынша басқа мамандықтардың резиденттері оқытылады. Кафедраның клиникалық базалары: «Педиатрия және балалар хирургиясы ғылыми орталығы» АҚ, «Перинатология және балалар кардиохирургиясы орталығы», «№5 перзентхана».
Алтынбаева Гүлмира Бекназарқызы
Кафедра меңгерушісі, «Медицина» мамандығы бойынша PhD докторы, жоғары санатты неонатолог, педиатр.
Жұбанышева Қарлығаш Біржановна
Кафедра профессоры, м.ғ.к., неонатолог, педиатр.
Мусабекова Аида Талғатқызы
Кафедра ассистенті, медицина магистрі, неонатолог, педиатр.
