Қазақстан медицина университеті «ҚДСЖМ» халықаралық UI GreenMetric World University Ranking экологиялық тұрақтылық рейтингі бойынша Қазақстанның ТОП-30 университетінің қатарына еніп, тұрақты даму мен экологиялық жауапкершілік бағытындағы жоғары деңгейін растады.
Рейтинг аясында университет ұлттық, зерттеу және медициналық жетекші жоғары оқу орындарымен тең дәрежеде позицияларды иеленіп, инфрақұрылым, экологиялық бастамалар, ресурстарды тұрақты басқару және «жасыл» кампусты дамыту көрсеткіштері бойынша ұқсас нәтижелер көрсетті.
Бағалау қорытындысы бойынша университет келесі бағыттарда жоғары нәтижелерге қол жеткізді:
кампус инфрақұрылымы,
энергия тиімділігі және климаттық саясат,
қалдықтарды басқару жүйесі,
су ресурстарын ұтымды пайдалану,
тұрақты көлік,
экологиялық білім беру және ғылыми зерттеулер.
ТОП-30 қатарына ену университеттің халықаралық тұрақты даму стандарттарына сай болуға ұмтылысын және Қазақстанның жетекші медициналық жоғары оқу орындары арасындағы позициясын нығайтқанын дәлелдейді.
https://greenmetric.ui.ac.id/rankings/overall-rankings-2025
