Қатысушыларға құттықтау сөзін Қазақстан Республикасының Денсаулық сақтау министрі Ақмарал Шарипбайқызы Әлназарова жолдады. Ол осы тақырыпты ҮЖТ отырыстарының күн тәртібіне енгізу бастамасын көтеріп, Арал апатының салдарымен байланысты мәселелерді кешенді түрде шешудің маңыздылығын атап өтті. Сондай-ақ, өңір халқының денсаулығы мәселесі мемлекеттік органдар мен халықаралық серіктестердің назарында болуы тиіс екенін жеткізді.
КМУ Жоғары қоғамдық денсаулық сақтау мектебі өз баяндамасымен қатысып, онда мына негізгі тақырыптар қозғалды:
Арал апатының мұрасы: шаңды және тұзды дауылдар және олардың қоршаған орта сапасына әсері;
Аурушаңдықтың өсуі және жергілікті халық үшін әлеуметтік салдары;
Соңғы онжылдықтардағы жүйелік қателерді талдау;
Тұрақты дамудың кілті ретінде саларалық өзара іс-қимыл;
«Біртұтас денсаулық» тұжырымдамасын практикалық іске асыру және оны Арал теңізі маңындағы аумақтарға арналған ұзақ мерзімді бағдарламаларға енгізу. Отырыстың қатысушылары экологиялық залалды азайту және Арал теңізі маңындағы халықтың өмір сүру сапасын жақсарту үшін ынтымақтастықты әрі қарай жалғастыру және тәжірибе алмасу қажеттігін атап өтті.
