2024 жылғы 18 қарашада “ҚДСЖМ” Қазақстандық медицина университеті оңалту, дәстүрлі медицина, акупунктура, сондай-ақ таланттармен алмасу саласындағы халықаралық ынтымақтастықты дамыту мақсатында Үрімші қаласының дәстүрлі қытай медицинасының екі жетекші ауруханасымен кездесіп, ынтымақтастық туралы Меморандумға қол қойды.
Шетелдік пайда делегациясының құрамында: GuanAiJun-дәрігер, Үрімші қаласының муниципалдық Денсаулық сақтау комитетінің хатшысы, Liu Bo-фармацевтика институтының вице – президенті, Jiang Wenxi және Zhang Yeteng – дәстүрлі медицина ауруханаларының президенттері, ауруханалар комитетінің хатшылары,Li Tao-акупунктура бөлімінің меңгерушісі.
“ҚДСЖМ” клиникалық қызмет жөніндегі проректоры Әуесхан Төлегенұлы Жұмабеков, терапия кафедрасының меңгерушісі Аяш Шәріпханқызы Байсұлтанова, сондай-ақ халықаралық қызмет департаментінің қызметкерлері ынтымақтастық мәселелерін талқылап, алдағы жоспарларды, мақсаттар мен міндеттерді айқындады.
Үрімші дәстүрлі қытай медицинасы ауруханасы 1986 жылы құрылған және білім беру, ғылым, пациенттерді емдеуде тәжірибе алмасу, оқыту, әсіресе оңалту саласына назар аудару бағытында белсенді түрде тәжірибе алмасуға ниетті.
Делегация “Rekinetix” омыртқа және буын ауруларын емдеу орталығына барды. Сондай-ақ университет кафедрасының клиникалық базасы болып табылатын № 12 Орталық қалалық клиникалық аурухананың оңалту бөлімшесіне барды. Алия Тұрарқызы атынан аурухана өкілдері және оңалту бөлімшесінің меңгерушісі Айгүл Ахметқызы Қазақстандағы және ауруханадағы оңалтудың қазіргі жағдайы мен жаңалықтары туралы айтып берді. Сапар барысында Қытайдан келген делегация “Almaty Resort” шипажайына барып, директоры Салтанат Шымкетбекқызы әлемдік стандарттарға сәйкес келетін жаңа заманауи оңалту жабдықтарын көрсетті.
Делегация Қазақстанда оңалту жобаларының дамуына жоғары баға берді.
Қазақстан мен Қытай ШЫҰ-ның Астанадағы кездесу жоспарларын белсенді түрде іске асыруда және денсаулық сақтау саласындағы бірлескен даму мен әріптестіктің үздік жағдайларын жасауға жол ашуда. Осы ынтымақтастықпен екі елдің денсаулық сақтау, білім беру, экономикасын дамытуға үлес қосамыз деп үміттенеміз.
