Докторантураға түсушілерге арналған ақпарат

«ҚДСЖМ» Қазақстандық медицина университетінің докторантурасына кім түсе алады?

«ҚДСЖМ» Қазақстандық медицина университетінің (бұдан әрі – «ҚДСЖМ» ҚМУ) докторантурасына «магистр» дәрежесі және кемінде 1 (бір) жыл жұмыс өтілі бар немесе кемінде 3 (үш) жыл жұмыс өтілі бар медициналық мамандықтар бойынша резидентурада оқуын аяқтаған Қазақстан Республикасының азаматтары, шетелдік азаматтар және азаматтығы жоқ адамдар қабылданады.

Бейінді бағыттағы магистр PhD докторантураға түскен кезде оған Пререквизиттер ретінде ғылыми-педагогикалық магистратураның педагогикалық бейінінің жоғары оқу орнынан кейінгі білім беру бағдарламасы қосымша белгіленеді.

Докторантураға қабылдауды бастау және аяқтау мерзімдері

«ҚДСЖМ» КМУ докторантурасына өтініштерді қабылдауды қабылдау комиссиясы күнтізбелік жылдың 3 шілдесінен 3 тамызына дейін жүргізеді.

Докторантураға білім беру бағдарламаларының топтары бойынша қабылдау емтихандары күнтізбелік жылдың 4-20 тамызы аралығында өткізіледі.

Оқуға қабылдау күнтізбелік жылдың 28 тамызына дейін жүргізіледі.

«ҚДСЖМ» КМУ докторантурасына түсу үшін қандай құжаттар қажет?

Докторантураға түсушілер «ҚДСЖМ» ҚМУ қабылдау комиссиясына келесі құжаттарды тапсырады:

  1. 1. ұйым басшысының атына жазылған өтініш ( 1 косымша);
  2. 2. білімі туралы құжат (түпнұсқа);
  3. 3. жеке басын куәландыратын құжаттың көшірмесі;
  4. 4. 3×4 сантиметр өлшемдегі алты фотосурет;
  5. 5. бағдарламалар бойынша шет тілін (ағылшын, неміс, француз) меңгергенін растайтын электрондық сертификат:
    1. – IELTS өту балы-кемінде 5,5;
    2. – IELTS INDICATOR шекті балл-кемінде 5,5;
    3. – TOEFL ITP шекті балл-кемінде 460 балл;
    4. – TOEFL IBT шекті балл-кемінде 46;
    5. – TOEFL PBT шекті балл-кемінде 453;
    6. – Duolingo English Test (Дуолинго ағылшын тесті) шекті балл-кемінде 85;
    7. – Common European Framework of Reference (CEFR, шекті балл-В2);
    8. – Deutsche Sprachpruеfung fuеr den Hochschulzugang(DSH, niveau В2 / В2 деңгейі);
    9. – TestDaF-Prufung(Niveau В2 / В2 деңгейі);
    10. – Test de Franzais International ™ (TFI-оқу және тыңдау секциялары бойынша В2 деңгейінен төмен емес);
    11. – Diplom ed ‘ Etudesen Langue franzaise (DELF, B2 деңгейі);
    12. – Diplome Approfondi de Langue franzaise (DALF, B2 деңгейі);
    13. – Test de connaissance du franzais (TCF – кемінде 50 балл).
  6. 6. кадрларды есепке алу жөніндегі жеке іс парағы немесе жұмыс орны бойынша кадр қызметі растаған еңбек қызметін растайтын өзге де құжат;
  7. 7. соңғы күнтізбелік 3 жылдағы ғылыми және ғылыми-әдістемелік жұмыстардың тізімі (ғылыми жарияланымдар, зерттеулер жүргізу жоспары, эссе және басқа құжаттар) (олар болған жағдайда 2-қосымшаны толтыру);
  8. 8. алдын ала іріктеу нәтижелері («Денсаулық сақтау және әлеуметтік қамтамасыз ету (медицина)» білім беру саласы бойынша).

6) және 7) тармақшаларда аталған құжаттардың түпнұсқалары мен көшірмелері ұсынылады, салыстырып тексерілгеннен кейін түпнұсқалары өтініш берушіге қайтарылады.

Құжаттар тізбесі толық ұсынылмаған жағдайда қабылдау комиссиясы оқуға түсушілерден құжаттарды қабылдамайды.

«ҚДСЖМ» КМУ докторантурасына түсу үшін қабылдау емтихандарын тапсыру қайда және қашан жүзеге асырылады?

Оқуға түсуші докторантураның білім беру бағдарламаларының тобы бойынша түсу емтиханын тек оқуға түсетін ЖОО-да және ғылыми ұйымда тапсырады.

Докторанттар қатарына қабылдау докторантураның білім беру бағдарламаларының топтары бойынша түсу емтиханының және шет тілін меңгерудің жалпыеуропалық құзыреттеріне (стандарттарына) сәйкес шет тілін меңгергенін растайтын сертификаттың қорытындысы бойынша жүзеге асырылады.

Қабылдау емтиханына дайындалуға арналған сұрақтар тізімі «ҚДСЖМ» ҚМУ сайтында орналастырылатын болады. Түсу емтихандарының бағдарламалары және білім беру бағдарламаларының топтары бойынша кесте (өткізу нысаны, күні, уақыты және орны) сайтта орналастырылатын болады www.ksph.kz түсу емтиханының басталуына 3 (үш) күн қалғанда.

2020-2021 оқу жылына «ҚДСЖМ» КМУ докторантураның қандай білім беру бағдарламаларына қабылдау жүзеге асырылады?

“ҚДСЖМ” КМУ 2020-2021 оқу жылында Денсаулық сақтау саласында докторантураның екі білім беру бағдарламасы бойынша мамандар даярлауды жүзеге асыруды жоспарлап отыр:

  1. D139 «Қоғамдық денсаулық сақтау

2. D141 «Медицина»

Докторантурада оқудың түрі мен бағыты қандай?

«ҚДСЖМ» КМУ докторантурасында оқу үш жыл оқу мерзімімен күндізгі оқу нысаны бойынша ғана жүзеге асырылады.

Бағыты – ғылыми-педагогикалық. Ғылыми-педагогикалық бағыт жоғары және жоғары оқу орнынан кейінгі білім беру жүйесі мен ғылыми сала үшін денсаулық сақтау саласындағы пәндерді іргелі білім беру, әдіснамалық және зерттеу даярлығын және тереңдете зерделеуді көздейді. Ғылыми-педагогикалық бағыт бойынша докторантура бағдарламасын меңгерген және диссертация қорғаған адамдарға «Философия докторы (PhD)» дәрежесі беріледі. PhD Докторантура Болон процесінің халықаралық талаптары мен қағидаттарына сәйкес ғылыми-педагогикалық кадрларды даярлау процесін жетілдіруді қамтамасыз етеді.

«Философия докторы (PhD)» дәрежесі не береді?

Философия докторы Қазақстан Республикасы Жоғары мектебінің ғылыми-педагогикалық кадрлар өкілдерінің бірі болып табылады. Бұл ғылыми дәреже өзін-өзі жүзеге асыруда үлкен перспективалар, ғылымда өз мақсаттарына жету үшін университеттерде ғылыми-педагогикалық қызметпен айналысуға мүмкіндік береді. Шетелдік әріптестермен әріптестік қарым-қатынас жасауға, әлемнің жетекші университеттерінің ғалымдарымен тәжірибе алмасуға, біліктілікті арттыру үшін шетелдік тағылымдамаларға, жетекші ғылыми орталықтарда дәрістер оқуға және ғылыми зерттеулер жүргізуге, шет тілдерін меңгеру деңгейін одан әрі жетілдіруге, мансаптық өсу мүмкіндігіне жол ашады.

*Докторантура бағдарламаларына түсу үшін құжаттарды қабылдау ережелеріне өзгерістер енгізілуі мүмкін. www.ksph.kz сайтындағы өзгерістерді қадағалаңыз.
Қабылдау қағидалары 600 бұйрық 2020жүктеу

D139-–-«Қоғамдық-денсаулық-сақтау»-мамандығы-бойынша-қабылдау-сұрақтары-2020 жүктеу

D141-«МЕДИЦИНА»-мамандығы-бойынша-қабылдау-сұрақтары-2020 жүктеу

Бізбен қалай байланысуға болады?

Байланысу ақпараты

«ҚДСЖМ» ҚМУ ЖОО-дан кейінгі білім беру департаменті

Тел.: +7727 337 80 18 (ішкі 103), +7771 780 76 67

WhatsApp желісіне жазу

E-mail: e-pk@ksph.kz

сайт: www.ksph.kz

Мекенжайымыз: Алматы қ., Өтепов көшесі 19а, 1 қабат, 103 кабинет.

 Сізді докторантурада білім алуға шақырамыз!