“ҚДСЖМ” ҚМУ ЖӘНЕ ҚММУ (ҚАЗАН Қ.) ЫНТЫМАҚТАСТЫҚ ТУРАЛЫ ШАРТҚА ҚОЛ ҚОЙДЫ
“ҚДСЖМ” Қазақстан медициналық университетінің ректоры Тұрдалиева Ботагөз Саитқызы және Қазан мемлекеттік медицина университетінің ректоры Алексей Созинов университеттер арасындағы ынтымақтастық туралы шартқа қол қойды.
Шартқа қол қою рәсімі 2023 жылғы 18-19 мамырда Қазан қаласында өткен “Ресей – Ислам әлемі: KazanForum” 2023 XIV Халықаралық экономикалық форумы шеңберінде өтті.
Ынтымақтастық туралы шарт оқытудың жаңа инновациялық бағдарламаларын барынша тиімді әзірлеуге және жоғары оқу орындарының озық тәжірибелерімен бөлісуге ықпал ететін “Қоғамдық денсаулық сақтау” магистратурасы бойынша бағдарламаны бірлесіп іске асыруды көздейді.
Форум алаңында “ҚДСЖМ” ректорының қатысуымен “Қоғамдық денсаулық сақтау” желілік білім беру бағдарламасын іске асыру бойынша одан әрі ынтымақтастық мәселелеріне қатысты қазақстандық және ресейлік жоғары оқу орындары арасындағы ынтымақтастықты дамыту бойынша баспасөз конференциясы және жоғары және жоғары оқу орнынан кейінгі білім беру мәселелері туралы дөңгелек үстел өтті.
Форумға 85 елдің өкілдері қатысты.
“ҚДСЖМ” ректоры Тұрдалиева Ботагөз Саитқызы Қазан мемлекеттік медицина университетінде өткен ғылыми-практикалық конференцияда “Жоғары оқу орындарының трансформациясы: жаңа сын-қатерлер мен жаңа перспективалар” тақырыбында баяндама жасап, Қазақстанда жүзеге асырылып жатқан университеттердің қазіргі даму жағдайы, әлемдік тәжірибе мен трендтер туралы презентация ұсынды. Ол қоғамдық денсаулық сақтау саласындағы жетекші жоғары оқу орындарының бірі ретінде “ҚДСЖМ” ҚМУ туралы ақпарат ұсынды. Біздің университет өзінің бүкіл қызметі барысында білім беру саласында да, ғылыми салада да қоғамдық денсаулық сақтау саласындағы дипломнан кейінгі деңгейдегі көшбасшы болып табылады, денсаулық сақтаудың бастапқы буынының мамандары, Қазақстан мен Орталық Азияның барлық деңгейлеріндегі медициналық ұйымдардың басшылары үшін ғылыми білімнің, жаңа идеялар мен практикалық дағдылардың маңызды көзі болып қала береді. Баяндаманы Халықаралық қауымдастық жақсы қабылдады.
Ғылыми-практикалық конференция аясында “ҚДСЖМ” ректоры бірқатар іс-шараларға қатысты, мысалы: клиникалар мен университетке бару және т.б.
