Еңбегі сіңген педиатр-дәрігер 80 жасқа толды!
2021 жылдың 3 желтоқсанында «ҚДСЖМ» Қазақстандық медицина университетінде Қазақстан Республикасының денсаулық сақтау ардагері, «Белсенді ұзақ өмір» қоғамдық қорының президенті, педиатр-дәрігер, жоғары санатты қоғамдық денсаулық сақтау және әлеуметтік гигиена ұйымдастырушысы – Гүлшара Ғазизқызы Урмурзинаның 80 жылдық мерейтойына орай мерекелік іс-шара жүргізілді.
Мерекелік іс-шараны “ҚДСЖМ” ҚМУ ректоры Ардақ Мұханбетжанқызы Әуезова мерейтой иесін қоғамдық денсаулық сақтауды дамытуға қосқан зор үлесі үшін алғыс айтып, құттықтау сөздерімен салтанатты түрде ашты. Ректор «ҚДСЖМ» ҚМУ ғылыми кеңесінің шешімімен қабылданған «Құрметті профессор» атағын және Қазақстан Республикасының Денсаулық сақтау министрі А.В.Цойдың атынан құттықтау хатын табыс етті. Онда мерейтой иесінің еңбек қызметін дәл сипаттайтын мынадай жолдар бар: «Құрметті Гүлшара Ғазизқызы! Сіздің еңбек жолыңыз ерекше. Учаскелік дәрігер-педиатрдан бастап, еліміздің және Алматы қаласының қоғамдық-саяси өміріне белсенді қатыстыңыз… Сіз Қазақстанның медициналық қоғамдастығының танымал көшбасшысысыз…”.
Іс-шара барысында «Әлеуметтік медициналық сақтандыру қоры» КЕАҚ Алматы қаласы бойынша филиалының басшысы Тілеухан Шілдебайұлы Әбілдаев құттықтау сөз сөйледі. Ол «Әлеуметтік медициналық сақтандыру қоры» КЕАҚ Басқарма төрағасы Б.Т.Төкежановтың құттықтау хатын және «Еңбек қайраткері» медалін табыс етті.
Бұдан әрі м.ғ.д., профессор Валихан Исаұлы Ахметов құттықтау сөз сөйледі, ол қазақстандық денсаулық сақтау жүйесінің дамуына қосқан барлық еңбегі мен баға жетпес үлесін атап өту мүмкін емес екенін атап өтті және бүгінгі іс-шара маңызды оқиға болып табылатынын, өйткені ЖОО-да білім алушылар отандық денсаулық сақтау саласының дамып келе жатқан көрнекті адамдарын білуі тиіс екенін атап өтті.
Салтанатты шараға Алматы қаласы әкімдігінің, Алматы қаласы Қоғамдық денсаулық басқармасының өкілдері, оқушылар, әріптестер мен серіктестер, Денсаулық сақтау ардагерлері, профессорлар, оқытушылар, университеттің магистранттары мен докторанттары қатысты. С.Е. Сұлтанғазиева, Қ.Д. Ержанов, Қ.Қ. Құрақбаев және басқа да қонақтар құттықтауларымен сөз сөйледі және дылы лебіздерін білдірді, олар мерейтой иесінің еңбек қызметі туралы естеліктерімен бөлісіп, оның кәсібилігін, белсенді жұмысы мен денсаулық сақтауды дамытуға қосқан зор үлесін атап өтті.
Бағдарлама жалғасында Гүлшара Ғазизқызы аудитория алдында «Өмір бойы көшбасшылық» тақырыбында актілік дәріс оқыды. Іс-шара соңында ол келген қонақтар мен іс-шараның ұйымдастырушылары – «ҚДСЖМ» ҚМУ, Алматы клиникасының қауымдастығы мен «Қазақстандық медициналық кеңес» өзін-өзі реттейтін ұйымға тамаша кеш үшін үлкен алғысын білдірді.
Салтанатты іс-шара жылулық пен мейірімділік атмосферасында өтті.
Гүлшара Ғазизқызы Урмурзина 1966 жылы Алматы мемлекеттік медицина институтын бітірді. Педиатрия бойынша клиникалық ординатураны аяқтағаннан кейін Алматы мемлекеттік дәрігерлер білімін жетілдіру институтында ординатор дәрігер, №2 қалалық балалар клиникалық ауруханасының бөлім меңгерушісі, №3 қалалық балалар клиникалық ауруханасының бас дәрігерінің орынбасары болып жұмыс істеді.
1978 жылдан бастап Алматы қалалық денсаулық сақтау бөлімі меңгерушісінің орынбасары қызметін атқарады. 1982 жылдан бастап қалалық денсаулық сақтау бөлімінің меңгерушісі. Алматы қалалық атқару комитеті атқару комитетінің мүшесі болды. 1985 жылы №1 қалалық балалар клиникалық ауруханасының бас дәрігері болып тағайындалды. 1987 жылдан бастап ҚазКСР Денсаулық сақтау министрінің орынбасары болып жұмыс істеді. 1991 жылы Алматы қаласы денсаулық сақтау басқармасының бастығы лауазымына тағайындалды; 1995 жылы Алматы қаласы міндетті медициналық сақтандыру қорын басқарды; 1999 жылы Қазақстанда алғаш рет «Хоспис» мемлекеттік қайырымдылық мекемесін құрды және бірнеше жылдар бойы басқарды.
Гүлшара Ғазизқызының басшылығымен Алматыда алғаш рет соматикалық балалар санаторийлері, аралас емханалар, мейірбике күтімі ауруханасы, перинаталдық орталық, адам репродукциясы орталығы ашылды, Алматы қаласының перзентханаларында ана мен баланың бірге болуы енгізілді. ҚР Денсаулық сақтау министрлігінің «ҚР Денсаулық сақтау үздігі» (1992 ж.) және «Денсаулық сақтау ісіне қосқан үлесі үшін» (2011 ж.) ведомстволық наградаларымен марапатталған.
